κηφισοφων παιανιευς εγραμματευε. σαμιοις οσοι μετα το δημο το αθηναιων εγενοντο εδοξεν τηι βοληι και τωι δημωι κεκροπις επρυτανευε πολυμνις ευωνυμευς εγραμματευε αλεξιας ηρχε νικοφων αθμονευς επεστατει γνωμη κλεσοφο και συνπρυτανεων επαινεσαι τοις πρεσβεσι τοις σαμιοις τοις τε προτεροις ηκοσι και τοις νυν και τηι βοληι και τοις στρατηγοις και τοις αλλοις σαμιοις οτι εσιν ανδρες αγαθοι και προθυμοι ποιεν ο τι δυνανται αγαθον και τα πεπραγμενα αυτοις οτι δοκοσιν ορθως ποιησαι αθηναιοις και σαμιοις και αντι ων ευ πεποιηκασιν αθηναιοις και νυν περι πολλο ποιονται και εσηγονται αγαθα δεδοχθαι τηι βοληι και τωι δημωι σαμιος αθηναιος ε ναι πολιτευομενος οπως αν αυτοι βολωνται και οπως ταυτα εσται ως επιτηδειοτατα αμφοτεροις καθαπερ αυτοι λεγοσιν επειδαν ερηνη γενηται τοτε περι των αλλων κοινηι βολευεσθαι. τοις δε νομοις χρησθαι τοις σφετεροις αυτων αυτονομος οντας και ταλλα ποιεν κατα τος ορκος και τας συνθηκας καθαπερ ξυνκειται αθηναιοις και σαμιοις και περι των ενκληματων α αγ γιγνηται προς αλληλος διδοναι και δεχεσθαι τας δικας κατα τας συμβολας τας οσας. εαν δε τι αναγκαιογ γιγνηται δια τον πολεμον και προτερον περι της πολιτειας ωσπερ αυτοι λεγοσιν οι πρεσβες προς τα παροντα βολευομενος ποιεν ηι αν δοκηι βελτιστον ε ναι. περι δε της ερηνης εαγ γιγνηται ε ναι κατα ταυτα καθαπερ αθηναιοις και τοις νυν οικοσιν σαμον εαν δε πολεμεν δεηι παρασκευαζεσθαι αυτος ως αν δυνωνται αριστα πραττοντας μετα των στρατηγων. εαν δε πρεσβειαν ποι πεμπωσιν αθηναιοι συμπεμπεν και τος εξαμο παροντας εαν τινα βολωνται και συνβολευεν ο τι αν εχωσιν αγαθον. ταις δε τριηρεσι ταις οσαις ες σαμωι χρησθαι αυτοις δοναι επισκευασαμενοις καθοτι αν αυτοις δοκηι τα δε ονοματα των τριηραρχων ων ησαν αυται αι νηες απογραψαι τος πρεσβες τωι γραμματει της βολης και τοις στρατηγοις και τουτων ει πο α γεγραμμενον εν τωι δημοσιωι ως παρεληφοτων τας τριηρες απαντα εξαλειψαντων οι νεωροι απανταχοθεν τα δε σκευη τωι δημοσιωι εσπραξαντων ως ταχιστα και επαναγκασαντων αποδοναι τος εχοντας τουτων τι εντελη γνωμη κλεσοφο και συνπρυτανεων τα μεν αλλα καθαπερ τηι βοληι ε ναι δε την δωρειαν σαμιων τοις ηκοσιν καθαπερ αυτοι αιτονται και νεμαι αυτος αυτικα μαλα ες τος δημος και τας φυλας δεκαχα και την πορειαν παρασκευασαι τοις πρεσβεσι τος στρατηγος ως ταχιστα και ευμαχωι και τοις αλλοις σαμιοις πασι τοις μετα ευμαχο ηκοσι επαινεσαι ως ο σιν ανδρασιν αγαθοις περι τος αθηναιος καλεσαι δ ευμαχον επι δειπνον ες το πρυτανεον ες αυριον. αναγραψαι δε τα εψηφισμενα τογ γραμματεα της βολης μετα των στρατηγων εστηληι λιθινηι και καταθεναι ες πολιν τος δε ελληνοταμιας δοναι το αργυριον αναγραψαι δ ες σαμωι κατα ταυτα τελεσι τοις εκενων.

Acr. 1333