θεοι. εδοξεν τηι βουληι και τωι δημωι θεμιστοκλης νεοκλεους φρεαρριος ειπεν τημ μεν πολιν παρακαταθεσθαι τηι αθηναι τηι αθηνωμ μεδεουσηι και τοις αλλοις θεοις απασιν φυλαττειν και αμυνειν τομ βαρβαρον υπερ της χωρας αθηναιους δ απαντας και τους ξενους τους οικουντας αθηνησι τα τεκνα και τας γυναικας εις τροιζηνα καταθεσθαι τ του αρχηγετου της χωρας τους δε πρεσβυτας και τα κτηματα εις σαλαμινα καταθεσθαι τους δε ταμιας και τας ιερεας εν τηι ακροπολει μενειν φυλαττοντας τα των θεων τους δε αλλους αθηναιους απαντας και τους ξενους τους ηβωντας εισβαινειν εις τας ετοιμασθεισας διακοσιας ναυς και αμυνεσθαι τομ βαρβαρον υπερ της ελευθεριας της τε εαυτων και των αλλων ελληνων μετα λακεδαιμονιων και κορινθιων και αιγινητων και των αλλων τωμ βουλομενων κοινωνησειν του κινδυνου καταστησαι δε και τριηραρχους διακοσιους ενα επι την ναυν εκαστην τους στρατηγους αρχομενους τηι αυριον ημεραι εκ των κεκτημενων γην τε και οικιαν αθηνησι και οις αμ παιδες ωσι γνησιοι μη πρεσβυτερους πεντηκοντα ετων και επικληρωσαι αυτοις τας ναυς καταλεξαι δε και επιβατας δεκα εφ εκαστην ναυν εκ των υπερ εικοσιν ετη γεγονοτων μεχρι τριακοντα ετων και τοξοτας τετταρας διακληρωσαι δε και τας υπηρεσιας επι τας ναυς οταμπερ και τους τριηραρχους επικληρωσιν αναγραψαι δε και τους αλλους κατα ναυν τους στρατηγους εις λευκωματα τους μεν αθηναιους εκ των ληξιαρχικων γραμματειων τους δε ξενους εκ των απογεγραμμενων παρα τωι πολεμαρχωι αναγραφειν δε νεμοντας κατα ταξεις εις διακοσιας ανα εκατον αριθμον και επιγραψαι τηι ταξει εκαστηι της τριηρους τουνομα και του τριηραρχου και της υπηρεσιας οπως αν ειδωσιν εις οποιαν τριηρη εμβησεται η ταξις εκαστη επειδαν δε νεμηθωσιν απασαι αι ταξεις και επικληρωθωσι ταις τριηρεσι πληρουν απασας τας διακοσιας ναυς τημ βουλην και τουστρατηγους θυσαντας αρεστηριον τωι διι τωι παγκρατει και τηι αθηναι τηι νικηι και τωι ποσειδωνι τωι ασφαλειωι επειδαν δε πεπληρωμεναι ωσιν αι νηες ταις μεν εκατον αυτων βοηθειν επι το αρτεμισιον το ευβοικον ταις δε εκατον αυτων περι την σαλαμινα και την αλλην αττικην ναυλοχειν και φυλαττειν την χωραν οπως δ αν και ομονοουντες απαντες αθηναιοι αμυνωνται τομ βαρβαρον τους μεν μεθεστηκοτας τα δεκα ετη απιεναι εις σαλαμινα και μενειν αυτους εκει εως αν τι τωι δημωι δοξηι περι αυτων τους δε ατιμους .